Novidades

Dolores Vilavedra, representante do ILG no Consello da Cultura Galega

27/10/23

Tras acordo do Consello Científico celebrado no Instituto o 10 de outubro, Dolores Vilavedra é a nova representante da nosa institución no Pleno do Consello da Cultura Galega en substitución de Elisa Fernández Rei, actual directora do centro. Vilavedra tomou posesión o 25 de outubro na sesión celebrada na sede do Consello e presidida por Rosario Álvarez.
Membros do ILG no "V Simpósio Profletras" da USP

27/10/23

María Álvarez de la Granja, Noemi Basanta Llanes e Marta Negro Romero participaron o 26 de outubro como relatoras convidadas no V Simpósio Profletras / II Seminário Internacional Profletras USP, organizado pola Universidade de São Paulo. As tres investigadoras do ILG integraron unha mesa redonda sobre o programa Lingua, patrimonio e coñecemento tradicional, promovido polo Instituto dentro do Plan Proxecta da Xunta de Galicia.
A práctica do piropo nos novos tempos

26/10/23

Que é un piropo? Seguimos a interpretalo como unha mostra de cortesía? Para tratar estas cuestións, o día 26 de outubro o ILG organiza unha xornada conformada por un obradoiro de Ana Mancera Rueda (Universidade de Sevilla) e unha conferencia de María Lameiras (Universidade de Vigo). A inscrición está aberta ata o 20 de outubro.
"Visita e café" con Juan Manuel Fustes Nario

23/10/23

O luns 23 Juan Manuel Fustes Nario, da Universidade da República (Montevideo), conversará na cuarta sesión de "Visita e café" sobre o traballo que vai realizar durante a súa estadía no ILG. Farias dedicouse durante máis dunha década ao ensino da lingua italiana no nivel secundario e desde o ano 2006 integrou grupos e liñas de investigación relacionadas co ensino e a aprendizaxe de linguas.
VIII Xornada de Onomástica Galega

21/10/23

A VIII Xornada de Onomástica Galega. A onomástica e a cultura popular, coordinada por Ana Boullón e Luz Méndez, investigadoras do ILG e membros do Seminario de Onomástica da Real Academia Galega, terá lugar o vindeiro 21 de outubro no Museo de Pontevedra.
Pesar polo falecemento de Gustav Henningsen

18/10/23

O ILG lamenta o falecemento do investigador danés Gustav Henningsen. Especialista no estudo das tradicións populares e director durante varias décadas do Dansk Folkemindesamling, Henningsen doou ó ILG boa parte do material sonoro correspondente ás súas investigacións realizadas en Galicia.
Os cursos "Galego sen fronteiras" Premio da Cultura Galega

17/10/23

Os cursos de verán de lingua e cultura galegas Galego sen fronteiras, organizados polo ILG e a Real Academia Galega, acaban de ser galardoados na modalidade "Proxección Exterior" dos Premios da Cultura Galega.
XXV Encontros para a Normalización Lingüística

17/10/23

O 17 de outubro teñen lugar no Consello da Cultura Galega os XXV Encontros para a Normalización Lingüística, que contarán coa participación do investigador do ILG Miguel Guisantes Alonso.
Introdução aos estudos semântico-lexicais em língua portuguesa: perspetiva cognitiva socio-histórica

16/10/23

Este curso será impartido pola profesora Elisângela Santana dos Santos, da Universidade do Estado da Bahia, do 16 ao 18 de outubro na sala B10 da Facultade de Filoloxía da USC.
Isabel Molina e Leonardo Marcotulio na "II Xornada sobre Variación e Cambio Lingüístico"

09/10/23

Isabel Molina Martos, da Universidade de Alcalá de Henares, e Leonardo Lennertz Marcotulio, da Universidade de Aveiro, son os conferenciantes convidados na II Xornada sobre Variación e Cambio Lingüístico, que terá lugar o 9 de outubro na Facultade de Filoloxía da USC.