A catedrática de Filoloxía Románica da Universidade da Coruña e colaboradora do ILG María Dolores Sánchez Palomino ingresou este sábado na Real Academia Galega (RAG) como membro de número co discurso Ten sentido unha lexicografía académica bilingüe? [De lexicografía e Academias].
Eva María Domínguez Noya e Vítor Míguez son os autores do artigo "Unha mellora do CORGA extrapolable a outros corpus e linguas: a etiquetaxe da nomenclatura científica binomial", publicado no último número de Estudos de Lingüística Galega.
Craig Willis, investigador do European Centre for Minority Issues (ECMI) en Flensburg, ofrecerá unha conferencia sobre linguas minorizadas e televisión o luns 12 de decembro, ás 12:30 h, no ILG.
O venres 2 de decembro, ás 19:30 h, vaise presentar na Facultade de Filoloxía o libro «Tenh’eu que mi fez el i mui gram bem». Estudos sobre cultura escrita medieval dedicados a Harvey L. Sharrer, editado polo colaborador do ILG Ricardo Pichel.
Henrique Monteagudo é o editor, xunto ao profesor Xoán Carlos Lagares, do número 24 da revista Caracol sobre Contacto de lenguas, minorías y políticas lingüísticas en el ambito hispánico.
Xulio Sousa, Alba Aguete Cajiao e Vítor Míguez participan o día 30 na xornada divulgativa Matemáticas e Lingua na Facultade de Matemáticas.
O luns 28 de novembro, ás 19 h, presentarase no marco do simposio sobre Martín Sarmiento, organizado polo Consello da Cultura Galega, a edición de De historia natural y de todo género de erudición. Obra de 660 pliegos, realizada no ILG por un equipo coordinado polo investigador Henrique Monteagudo.
O Simposio ILG 2022, que leva por título A edición dixital de textos antigos: modelos, proxectos e ferramentas, terá lugar do 28 de novembro ao 2 de decembro no salón de graos da Facultade de Filoloxía da USC.
A investigadora do ILG impartirá o día 25, ás 11:00 h, a charla "Galego e castelán en contacto. Consecuencias para o léxico galego e vías para a estandarización"
As V Xornadas de Lingua e Literatura Galegas no Ensino terán lugar o 18 e 19 de novembro na Facultade de Filoloxía da USC. Xa se encontra aberto o prazo de inscrición.
Instituto da Lingua Galega
Praza da Universidade, 4
15782 Santiago de Compostela
Teléfono: (+34) 881 812 815
ilgsec@usc.gal
