João Víctor Lima Ferreira Dutra

Doutorando en Estudos da Linguaxe na Universidade Federal Fluminense (UFF), é mestre en Estudos da Linguaxe (2023) e graduado en Letras Portugués/Español pola mesma institución. No ámbito do seu programa de posgrao, desempaeña funcións como representante do alumnado e é membro da Comisión de Bolsas e da Comisión de Autoavaliación.

Foi distinguido coa Bolsa FAPERJ Aluno Nota 10 no mestrado e, posteriormente, no doutoramento en recoñecemento á súa excelencia académica. Na actualidade, participa no Programa de Mobilidade Internacional FAPERJ Nota 10, no marco do cal realiza unha estadía de 6 meses no Instituto da Lingua Galega da Universidade de Santiago de Compostela, onde participa en reunións e aulas co seu supervisor, o investigador Henrique Monteagudo.

Conta con artigos e capítulos de libro publicados no Brasil nas áreas da glotopolítica e da lingüística aplicada. A a súa investigación de doutoramento en curso avalía como os influenciadores dixitais (considerados axentes glotopolíticos) operan nas redes sociais difundindo unha tradición normativa do portugués brasileiro. En particular, examina se as regras promovidas polos influenciadores analizados presentan diverxencias respecto das posicións defendidas por gramáticos e lingüistas do país.