David Rodríguez Lorenzo

David Rodríguez Lorenzo é licenciado en Filoloxía Galega e Filoloxía Románica pola Universidade de Santiago de Compostela. Obtivo o seu título de doutoramento coa tese Variación e cambio lingüístico en tempo real. Un estudo sobre o galego con base en materiais xeolingüísticos.

Leva desde 2005 vinculado ao ILG, onde traballou en proxectos como o Atlas Lingüístico de la Península Ibérica, o Atlas Lingüístico Galego, o Portal de ditados tópicos galegos ou o Tesouro do léxico patrimonial galego e portugués, entre outros. Tamén colabora co proxecto FRONTESPO, da Universidade de Alcalá de Henares. O seu labor investigador céntrase no estudo da variación e o cambio lingüísticos no galego moderno, especialmente no ámbito da fonética e o léxico.

Na actualidade traballa como mestre de FP Básica no CIFP Ferrolterra.