Mulleres na Lexicografía

Kay (Ruth) Williamson

Inglés, Igbo, Ijo (Familia lingüística Benin-Congo)

1935 (Reino Unido) - 2005 (Brasil)

Lingüista, lexicógrafa e profesora. Doutorouse en Lingüística na Universidade de Yale, na que se centrou no estudo da lingua Ịjọ. Despois de investigar para a súa tese de doutoramento (1963), empezou a traballar como profesora de lingüística na Universidade de Ibadán (Nixeria). En 1972 converteuse en catedrática. Posteriormente trasladouse á Universidade de Port Harcourt (1977) e continuou a súa carreira no Departamento de Lingüística e Linguas Africanas. En 1984 estivo na Universidade de Leiden como profesora visitante. De 1990 a 1991 desempeñou o cargo de Decana da Escola de Posgrado da Universidade de Port Harcourt. Estivo tamén de profesora visitante no Wolfson College de Oxford no 1991. Despois da súa xubilación estivo contratada no Departamento de Lingüística e Comunicación da Universidade de Port Harcourt (entre o 2000 e o 2002) e, como colofón á súa carreira, foi nomeada “UNESCO Professor” de Patrimonio Cultural (2002), cargo que ocupou ata a súa morte.

Traballou con linguas nixerianas e promoveu a aprendizaxe e o ensino de linguas minoritarias. Algunhas das súas obras cítanse a continuación: Williamson, Kay. 1965 (2nd ed. 1969). A grammar of the Kolokuma dialect of Ịjọ. (West African Language Monographs, 2.) London: Cambridge University Press 2011. Williamson, Kay, and Kiyoshi Shimizu (edd.). 1968. Benue-Congo comparative wordlist: Volume I. Ibadan: West African Linguistic Society. Williamson, Kay (ed.) 1972. Igbo-English dictionary. Benin: Ethiope Publishing Corporation. Williamson, Kay (ed.). 1973. Benue-Congo comparative wordlist: Volume II. Ibadan: West African Linguistic Society. Williamson, Kay (ed.) 1983. Orthographies of Nigerian languages: Manual II. Lagos: National Language Centre, Federal Ministry of Education. Williamson, Kay, and A. O. Timitimi (edd.). 1983. Short Ịzọn-English dictionary. (Delta Series No. 3.) Port Harcourt: University of Port Harcourt Press.

Igbo Dictionary: https://www.columbia.edu/itc/mealac/pritchett/00fwp/igbo/IGBO%20Dictionary.pdf

UNESCO Professor de Patrimonio Cultural, entusiasta da natureza.

Blench, R. (2005). Kay Williamson, 1935–2005 . Journal of African Languages and Linguistics, 26(1), 79-80. https://doi.org/10.1515/jall.2005.26.1.79 Ndimele, O., & Horton, R. (2010). Kay Ruth M. Williamson (1935–2005). Africa, 80(1), 168-176.https://doi.org/10.3366/E000197200900134X Bamgbose, A. (2005). Kay Williamson, The Guardian,01/02/ 2005. https://www.theguardian.com/news/2005/mar/01/guardianobituaries1 Foto: https://rogerblench.info/KWEF/KWBio/Kay%20Williamson%20life%20RMB_files/image048.jpg

Deborah Nebechukwu

María José Domínguez Vázquez