News

  • Validatón 2025: axúdanos a impulsar a tecnoloxía da fala en galego!

    04/10/25

    O Validatón 2025 é unha competición aberta ao alumnado das titulacións de Filoloxía en que poderá contribuír á creación de recursos para o galego en Common Voice. Haberá premios en metálico para cada unha das persoas gañadoras de cada categoría e para a persoa con máis contribucións totais, ademais dalgunha sorpresa e dun pequeno agasallo para o alumnado participante.

  • Presentouse en Filoloxía o 'Manual of Galician Linguistics'
    04/09/25

    O pasado 3 de abril tivo lugar na Facultade de Filoloxía da Universidade de Santiago de Compostela a presentación da obra Manual of Galician Linguistics, publicada por De Gruyter. No acto interviñeron Xulio Sousa e Ernesto González Seoane, editores do volume, e Víctor Longa, profesor da Facultade de Filoloxía.

  • Aberto o prazo de preinscrición dos cursos "Galego sen fronteiras"
    04/04/25

    O Instituto da Lingua Galega e a Real Academia Galega organizan unha nova edición dos Cursos de verán de lingua e cultura galegas para persoas de fóra de Galicia "Galego sen fronteiras". A preinscrición desta 35.º edición encóntrase aberta e pode realizarse ata o 4 de abril a través do blog dos cursos .

  • Henrique Monteagudo, novo presidente da RAG
    04/04/25

    O pleno da Real Academia Galega, reunido na tarde de hoxe en sesión extraordinaria, apoiou a candidatura do investigador do ILG Henrique Monteagudo á presidencia. O décimo cuarto presidente da RAG estará acompañado na comisión executiva por Ana Boullón Agrelo, María López-Sández, María Dolores Sánchez Palomino e Lourenzo Fernández Prieto.

  • Presentación do 'Manual of Galician Linguistics'
    04/03/25

    O xoves 3 de abril, ás 12:30 h, vaise presentar o volume Manual of Galician Linguistics, publicado en De Gruyter, no salón de graos da Facultade de Filoloxía. No acto intervirán Ernesto González Seoane e Xulio Sousa, editores da obra, e o profesor da Facultade de Filoloxía da USC Víctor Longa Martínez.

  • Conferencia do profesor João Veloso sobre o portugués en Macau
    04/02/25

    O profesor João Veloso, da Universidade do Porto (Portugal) e xefe do Departamento de Portugués na Universidade de Macau (China), ofrecerá o mércores 2 de abril, ás 12 h, a conferencia "O português na paisagem linguística de Macau" no salón de graos da Facultade de Filoloxía (USC).

  • Ciclo de conversas coas mulleres do ILG. II Faladoiro con Alba Aguete Cajiao
    03/27/25

    No II Faladoiro contaremos con Alba Aguete Cajiao, profesora axudante doutora da Área de Filoloxía Románica da Universidade de Salamanca e colaboradora do ILG, quen nos falará do seu labor investigador e docente desde a súa perspectiva como muller.

  • Iniciación á Estatística para Lingüistas
    03/19/25

    Este curso de iniciación ás técnicas estatísticas componse dunha parte teórica e dunha parte práctica que serán impartidas respectivamente por Rosa Crujeiras, da Universidade de Santiago de Compostela, e por Alba Aguete Cajiao, da Universidade de Salamanca e colaboradora do noso centro, os días 19, 20, 24, 25 e 26 de marzo na sede do Instituto

  • Ramón Mariño e José António Souto Cabo presentan o seu novo libro
    03/13/25
    O 13 de marzo vai ter lugar a presentación do libro De Rui Vasques a Gregório de Lobariñas Feijó. Venturas e desventuras do Libro dos bispos de Yrea e Santiago, de Ramón Mariño e José António Souto Cabo, na libraría Couceiro de Santiago de Compostela.

  • Publícase un informe sobre a situación da lingua galega segundo os datos do IGE
    03/13/25
    Henrique Monteagudo, Xaquín Loredo e Gabino S. Vázquez son os autores deste informe, publicado pola Real Academia Galega, que analiza a enquisa do Instituto Galego de Estatística de 2023 e a evolución sociolingüística de Galicia desde 1992 ata 2023.
     
     

Pages