Condicións de uso

1. A utilización deste corpus implica a aceptación de todas e cada unha das condicións abaixo asinaladas.

2. O Tesouro do léxico patrimonial galego e portugués é o resultado da transcrición, anotación e tratamento informático de obras de léxico dialectal. Os dereitos de autor da ferramenta informática pertencen ao Instituto da Lingua Galega (USC) e a propiedade intelectual do deseño do corpus e manipulación dos datos pertence aos organismos sinalados na páxina inicial do Tesouro. Os dereitos de autor das obras individuais incluídas no Tesouro pertencen aos respectivos titulares, segundo a lexislación de cada un dos países.

3. Permítese a consulta do Tesouro e a utilización dos seus materiais para usos de divulgación, docencia, investigación e persoais. Queda expresamente prohibido o uso con ánimo de lucro sen o permiso previo, expreso e por escrito, da dirección de proxecto ().

4. A utilización deste corpus implica a obriga de citar convenientemente, conforme ao uso científico, tanto o propio Tesouro como cada unha das obras individuais das que proveñen os datos empregados no respectivo traballo ou publicación.

• A forma de cita recomendada para o Tesouro é a seguinte:
  TLPGP = Álvarez, Rosario (coord.): Tesouro do léxico patrimonial galego e portugués. Santiago de Compostela: Instituto da Lingua Galega... <//ilg.usc.es/tesouro/> [Consultado: <data>].
• A forma de cita recomendada para cada unha das obras incluídas na aplicación informática, xunto coa referencia bibliográfica completa, pode consultarse na sección corpus da páxina principal e dentro de cada unha das entradas do corpus. Exemplo:
  LópezF 1975 = López Facal, Susana (1975): “Notas etnolingüísticas de Toba (Cee)”, Verba 2, 237-293 [edición de Id. (1968): Fala e cousas de Toba. Memoria de licenciatura. Universidade de Santiago de Compostela].
• A cita de obras individuais non escusa da necesidade de indicar expresamente que a consulta se realiza a través do Tesouro. Esta constancia pode facerse de maneira xeral en nota a rodapé ou de maneira particular por medio dunha forma de cita combinada. O modelo proposto para esta é o seguinte, con variantes segundo a conveniencia da cita concreta:

  LópezF 1975, apud TLPGP

  LópezF 1975: 280, apud TLPGP.

  LópezF 1975, apud TLPGP: s.v. fatumiño.

6. Agradécese o envío de copia impresa e/ou dixital de calquera publicación en que sexa empregado o corpus ao seguinte enderezo: