"Visita e café" con Laura Lesta García

O día 14 inaugúrase no ILG a actividade Visita e café co obxectivo de coñecer a investigación e intereses do profesorado visitante do Instituto e poder achegarlle ideas e suxestións. O primeiro café informal será con Laura Lesta García, do Middlebury College (Estados Unidos), quen nos acompañará durante un ano para desenvolver a súa investigación sobre o estudo do humor e da súa relación coa historia e os procesos de formación nacional e identitaria na Península Ibérica, especialmente en Galicia.