Vº Coloquio Lingüística Histórica

Como nas edicións anteriores do Coloquio Lingüística Histórica, nesta 5ª edición propóñense camiños de exploración interdisciplinar, nesta ocasión compartidos coa toponomástica. As coordenadas espazotemporais son as do dominio galego-portugués en todo o seu percurso histórico.

Respondendo á vontade da práctica investigadora interuniversitaria, comparecen no programa do Coloquio especialistas destas dúas disciplinas que ofrecen ollares multidisciplinares, coas voces toponímicas como denominador común e a historia, a xeografía, a lingüística e o procesamento da linguaxe natural como perspectivas de análise.