Nereida Prada Piñeiro

Nereida Prada Piñeiro (Lugo, 1992) é graduada en Historia (USC, 2014), Máster Interuniversitario en Historia Contemporánea (USC, 2015) e Máster en Estudios da Literatura e da Cultura (USC, 2016).

Durante o curso académico 2013-2014 desfrutou dunha bolsa de colaboración do MECD que desenvolveu na Unidade de Patrimonio Documental e Oral Contemporáneo (UPDOC) – Fondo de Historia Oral de Galicia (HISTORGA) do Departamento de Historia Contemporánea e de América da USC e foi bolseira colaboradora na Sección de Documentación do Consello da Cultura Galega (setembro-novembro de 2016). 

Entre o 2019 e o 2020 realizou tarefas de xestión no ILG e na actualidade traballa no proxecto Atlas Lingüístico Galego.