O día 1 entregáronse no Paraninfo da USC os Premios á calidade lingüística, promovidos polo Servizo de Normalización Lingüística desta universidade, aos mellores traballos académicos de curso, de fin de grao (TFG) e de fin de mestrado (TFM) escritos en galego no ano lectivo 2021/2022.

O investigador do ILG Xoán Carlos Goris García recibiu unha mención especial polo TFM Cambio de código e acomodación lingüística ante as cámaras de televisión: a gheada e o rotacismo. Unha achega ao cambio lingüístico en galego, dirixido por Xosé Luís Regueira Fernández.