Gisela Tomé Lourido

Gisela Tomé Lourido é profesora de Sociofonética na área de Lingüística e Fonética na Universidade de Leeds (Reino Unido). Licenciouse en Filoloxía Inglesa e obtivo o Mestrado de Profesorado na Universidade da Coruña. A continuación, obtivo un Mestrado de Fonética (MA in Phonetics) e o título de doutora en Ciencias da Fala, Audición e Fonética na University College London (UCL).

Os seus intereses de investigación céntranse na sociofonética, a fonética do galego, o procesamento da fala bilingüe e a aprendizaxe da fala de segundas linguas. Publicou artigos sobre a percepción e a produción da fala en bilingües galegos e sobre o desenvolvemento da consciencia sociolingüística en nenos plurilingües e monolingües en revistas internacionais como Bilingualism: Language and Cognition, Journal of Phonetics e Phonetica.