Concepción Álvarez Pousa

Correo electrónico: 
alvarezpousa@yahoo.es

Licenciada en Filoloxía Galega pola Universidade de Vigo, Máster en Comunicación e Industrias creativas pola Universidade de Santiago de Compostela e doutora en Lingüística pola Universidade de Santiago de Compostela (2021) coa tese de doutoramento: A lingua da Terra de Viana do Bolo. Descrición dialectal e análise do cambio lingüístico, dirixida polo catedrático Francisco Fernández Rei.

Realizou unha estadía de investigación (2016) no Arquivo Dialetal do CLUP da Faculdade de Letras do Porto; e en congresos e xornadas da USC e das universidades de Estremadura (Cáceres), Porto e Complutense de Madrid presentou relatorios sobre a variedade vianesa e as afinidades co galego das Portelas de Zamora e co portugués. No 2015 integrouse no proxecto Arquivo do Galego Oral do Instituto da Lingua Galega.

Publicou o libro Escolma de poesía berciana en lingua galega (en coautoría, 2002) e artigos en revistas sobre Laureano Prieto, etnógrafo e recolector da literatura popular, e sobre a lingua de Florencio Delgado Gurriarán. É docente no ensino secundario e colaboradora do xornal intercomarcal O Sil.

Últimas publicaciones

  • "O valdeorrés e a tradición literaria galega na obra de Florencio Delgado Gurriarán"
    Concepción Álvarez Pousa (2022): Florencio Delgado Gurriarán. O soño dunha Galicia infinda. Día das Letras Galegas 2022, Dolores Vilavedra (coord.), Santiago de Compostela: Servizo de Publicacións da Universidade de Santiago de Compostela, 93-118 - Capítulo de libro
  • "Florencio Delgado Gurriarán, poeta valdeorrés no exilio mexicano: entre cepeiras e tapatíos"
    Concepción Álvarez Pousa (2022): Letras Galegas 2022 Florencio Delgado Gurriarán, Salamanca: Facultad de Filología - Universidad de Salamanca, 9 de maio de 2022 - Presentación
  • “A variedade valdeorresa do galego oriental e a súa presenza na lingua literaria de Florencio Delgado Gurriarán"
    Concepción Álvarez Pousa (2020): A Trabe de Ouro. Publicación galega de pensamento crítico, 113, 9-34 - Artigo
Ver todas las publicaciones

Proxectos nos que participa