Angelo de Souza Sampaio

Angelo Sampaio é graduado en Letras (lingua portuguesa e francesa) pola Universidade Estadual de Feira de Santana - Brasil (2012). Realizou o mestrado en Lingua e Cultura na Universidade Federal da Bahia (UFBA) – Brasil (2017), institución en que tamén está a facer o doutoramento. Actualmente, a súa investigación está centrada nas Ciencias do Léxico, con especial énfase na Fraseoloxía.

É membro do grupo de investigación PROLEX: Estudos sobre o léxico: abordagem regional e intercultural e do GPELE: Grupo de pesquisas em ensino-aprendizagem de línguas estrangeiras, ambos con base na UFBA.

Foi organizador do libro LEXIKÓN: léxicos, línguas e culturas (2023), dispoñible de balde en: https://edufba.ufba.br/livros-publicados/catalogo/lexikon-lexicos-linguas-e-culturas. 

O obxectivo da súa estadía na USC é ampliar os seus coñecementos en fraseodidáctica xunto ao grupo de investigación Fraseonet, dirixido pola profesora María Isabel González-Rey. O seu vínculo co ILG é debido ao acordo bilateral existente entre a UFBA e a USC (CELGA/ILG).