Vítor Míguez Rego

Vítor Míguez é Graduado en Lingua e Literatura Galegas pola Universidade de Santiago de Compostela e cursou o Mestrado en Lingüística Teórica e Aplicada da Universidade Pompeu Fabra. Foi Premio Fin de Carreira da Comunidade Autónoma de Galicia en 2014. Na actualidade, é beneficiario dunha axuda de apoio á etapa predoutoral da Xunta de Galicia, imparte docencia no departamento de Filoloxía Galega da USC e realiza a súa tese de doutoramento (Aproximación á modalidade epistémica en galego: o dominio adverbial) baixo a dirección do profesor Francisco Cidrás. A súa actividade investigadora xira arredor da sintaxe, a semántica e a lingüística histórica.