Xavier Gómez Guinovart

Xavier Gómez Guinovart é profesor titular de Lingüística na Universidade de Vigo e coordinador do grupo de investigación en Tecnoloxías e Aplicacións da Lingua Galega no que se inscribe o Seminario de Lingüística Informática. As súas áreas de interese inclúen as aplicacións lingüísticas da informática, o desenvolvemento de recursos léxicos e a construción e explotación de corpus paralelos e especializados. 

Dirixiu como investigador principal múltiples proxectos competitivos no ámbito das tecnoloxías de lingua galega e participa activamente en redes de investigación e na organización e avaliación de actividades científicas e revistas académicas, sendo editor da revista Linguamática (http://linguamatica.com) dedicada ao procesamento computacional das linguas propias da Península Ibérica.

Participou como coordinador do SLI na elaboración de diversos recursos para a lingua galega, como o Dicionario Galnet (http://sli.uvigo.gal/digalnet/), o Tradutor Apertium (http://sli.uvigo.gal/tradutor/), o Corpus CLUVI (http://sli.uvigo.gal/CLUVI/), o Corrector OrtoGal (http://sli.uvigo.gal/corrector/) ou o Dicionario de Sinónimos do Galego (http://sli.uvigo.gal/sinonimos/), e colaborou co ILG no desenvolvemento do Tesouro Informatizado da Lingua Galega (http://ilg.usc.es/TILG/), do Dicionario de Dicionarios (http://sli.uvigo.gal/DdD/), do Dicionario de Dicionarios do Galego Medieval (http://sli.uvigo.gal/DDGM/), do Dicionario de Dicionarios de Xirias (http://sli.uvigo.gal/xirias/), do Corpus Xelmírez da Galicia Medieval (http://sli.uvigo.gal/xelmirez/), da Biblioteca Dixital da Galicia Medieval (http://sli.uvigo.gal/BGM/) e do Portal RILG (http://sli.uvigo.gal/RILG).