Resultados da busca

Unha vez introducido o apelido que se quere buscar, proporciónase a seguinte información:

• NÚMERO DE OCORRENCIAS
  É o conxunto de rexistros da base de datos coincidentes coa cadea buscada.

• PORCENTAXE
  Esta porcentaxe está calculada a partir do número de apelidos resultados da busca e do número total de apelidos da base: p(%) = (Número de apelidos resultado da busca / Número total de apelidos da base) x 100.

• POSICIÓN
  É a posición relativa que ocupa o apelido pola súa frecuencia respecto do número total de apelidos distintos da base. Entre parénteses indícase o número de apelidos que ocupan esa mesma posición. Por exemplo, para o apelido READIGOS a posición indicada é 1439[382], é dicir, ocupa a posición 1439 e comparte esa posición con 382 apelidos.

• NÚMERO DE CONCELLOS
  É o número de concellos en que se rexistra o apelido.

A seguir aparece unha táboa con información específica sobre a localización do apelido buscado. Esta información aparece , organizada por concellos.

• CONCELLO
  Relación dos concellos en que se rexistrou o apelido.

• PROVINCIA
  Provincia a que pertence o concello.

• NÚMERO DE APELIDOS
  É o número de rexistros coincidentes no concello co apelido buscado (recórdese que non se corresponde co número de portadores).

• PORCENTAXE
  Porcentaxe sobre o número de apelidos do concello; p(%)=(Número de apelidos resultado da busca no concello / Número total de apelidos do concello)x100

Por defecto, os datos aparecen ordenados de maior a menor pola columna Porcentaxe. Pode cambiarse a ordenación premendo nas frechas que están nas cabeceiras das columnas (alfabética por concellos ou provincia ou por números absolutos).